Արտոնագրային
Հաշվապահական ծառայությունների փաթեթ. «Արտոնագրային»
(հանրային սննդի օբյեկտներ, ատամնաբուժարաններ, տաքսի և համանման այլ ծառայություններ)
Այն կազմակերպությունները, որոնց գործունեությունը հարկվում է արտոնագրային վճարով, նրանց հարկային հաշվառումը իրականացվում է ավելի պարզեցված պայմաններում, քանի որ հիմնական հարկատեսակը հաշվարկվում է ոչ թե իրացման ծավալներից՝ այլ ելակետային տվյալներից ելնելով: Այս կազմակերպություններին «ProfTax» ընկերությունը առաջարկում է հատուկ փաթեթ, որը ներառում է հետևյալ ծառայությունները.
- Հաշվապահական հաշվառում. հաշվապահական հաշվառման ներդրում և վարում, աջակցություն մասնագիտացված ծրագրերի (ՀԾ, 1C) ընտրության և ներդրման հարցերում:
- Ֆինանսական հաշվետվությունների պատրաստում. հաշվետվություններ ֆինանսական վիճակի, ֆինանսական արդյունքների, դրամական միջոցների հոսքերի և սեփական կապիտալում փոփոխությունների մասին, ինչպես նաև ֆինանսական հաշվետվություններին կից ծանոթագրությունների կազմում:
- Հարկային խորհրդատվություն. ելակետային տվյալների ճշգրիտ հաշվարկում, ինչպես նաև խորհրդատվություն համապատասխան ոլորտի հարկային օրենսդրության առանձնահատկությունների վերաբերյալ: Օրենքով սահմանված հաշվետվությունների պատրաստում ու ներկայացում հարկային և պետական այլ մարմիններ:
- Ներկայացուցչություն պետական մարմիններում. հարկային, մաքսային և տեղական ինքնակառավարման մարմիններում ներկայացուցչություն, ինչպես նաև մասնակցություն այդ մարմինների կողմից իրականացվող ստուգումներին:
- Աշխատանքային հարաբերություններ. Գործատուի շահերից բխող պայմաններով աշխատակիցների հետ աշխատանքային պայմանագրերի և այլ փաստաթղթերի պատրաստում, ինչպես նաև պայմանագրերի լուծման հետ կապված հարաբերությունների կարգավորում: Հրամանների, կարգադրությունների, որոշումների և այլ ներքին իրավական ակտերի պատրաստում: Աշխատանքային օրենսդրության փոփոխությունների վերաբերյալ խորհրդատվություն:
Փաթեթի ամսական արժեքը՝ սկսած 60 000 ՀՀ դրամից (գները կարող են տատանվել կախված կազմակերպության աշխատակիցների քանակից, իրացման ծավալներից և այլն):